André & Tiaan

André Huysamen en Tiaan Grundling het geen bekendstelling in Gansbaai nodig nie. Hierdie twee energieke sangers het al twee keer by die Kreef Derby opgetree sowel as by 'n damesoggend saam met Brumilda van Rensburg in ons mooi dorpie.

Hierdie twee jong manne se sukses ken geen perke nie en saam het hulle al vir die President by die Uniegebou in Pretoria gaan sing en het ook by Soccer City in Johannesburg opgetree voor 62 000 mense tydens die "MTN Semi 8 Final" tussen die Orlando Pirates en Kaizer Chiefs. Hulle het al die land plat getoer en was al amper by elke fees te sien. André & Tiaan het ook al gesig gaan wys in "7de Laan", "Binnelanders", "Villa Rosa" asook die plaaslike rolprent "Ek joke net"!

Beide André en Tiaan geniet tans sukses in Europa en NZ wat hul musiek aanbetref.

André Huysamen en Tiaan Grundling tree ook op as seremoniemeesters tydens die fees en stel ook albei hulle nuwe albums daar bekend!

 

Vir meer inligting besoek gerus www.andrehuysamen.co.za en www.tiaangrundling.co.za